Littra a V.S. Gaudio
Mastru
si’ tu
ca
Mastru cci nascisti
iu
scrivu minchiatelli di jarzùni
tantu
ppi fari mprisi senza mprisa
caru Vu
Essi ca stai ammucciatu
ma cu è
ca havi occhi ti scumìa
picchi
c’è lustru nt’a chiddu ca scrivi.
Ppi
quattru past’i mennula sbarrasti
na
jspensa ‘i sapienza…e n jornu doppu
ti
passi u Ciordu ’n lastricu çiurutu…
È la
to’gginirosità fatta sapienza
ca fa
arrizzari a mmidia d’i mischini
iu non
mi sento i chisti e mi scappellu
d’aviriti
pp’amicu quasi anticu
ca ora
è n pezzu ca mi duni anuri.
D’u
restu cchi ti dicu?
ham’ha
fari na festa
cca a
Catania appena poi
appena
vuoi,
c’ammenu
ni vardamu occhi nall’occhi!
Possibbili
ca ncasu t’ancuntrassi
non ti
canusciu?
Alessandro?
Cci u dissi ca t’aspettu:
mario grasso
